Demo

As novas da Mostra

Toda a actualidade da MITCFC, para que non te perdas ningunha información sobre os nosos espectáculos, eventos e demais actividades.

Kiko Cadaval: "É raro traballar para público mascarado"

Quico Cadaval é sinónimo de teatro. De humor. De traballo a prol da cultura. Por isto, e por moitas cousas máis, este director, actor e narrador galego recibe o Premio Xiria ao Labora Teatral desta XXXVII Mostra Internacional de Teatro Cómico e Festivo de Cangas (MIITCFC). A organización da Mostra destaca "a súa inesgotable creatividade, da que destaca a súa arte, única e xenial, na narración oral, capaz de conxugar o  imaxinario colectivo galego co universal, cun dominio asombroso da lingua, tanto popular, culta como musical, transmitindo valores, cultura, espazos, historias e Historia, cunha narrativa, cuasi shakespeariana."

Paula Carballeira: "O teatro é unha arte viva. Imprescindible"

Paula Carballeira ofrecerá o pregón inaugural da XXXVII Mostra de Teatro Cómico e Festivo de Cangas (MITCFC). Será ás 21.00 horas nas Naves de Ojea. Escritora, intérprete e realizadora de contacontos e actriz galega, Paula Carballeira destaca que ofrecer o pregón é un "privilexio e unha grande responsabilidade". Para esta muller tan polifacética, a Mostra "foi moi valente" por seguir adiante coa celebración desta edición nunhas condicións tan especiais. Para ela, trátase dun encargo moi especial porque será "o primeiro acto con público diante despois do confinamento".  

Luz Beloso: "Un dos maiores talentos da ilustración contemporánea"

Os escritores Iria Collazo, Isabel Blanco e Miguel Anxo Alonso Diz, xunto co comisario da exposición, Diego Seixo, inauguraron o venres 3 de xullo unha exposición coa obra de Luz Beloso, a creadora do cartel da XXXVII Mostra Internacional de Teatro Cómico e Festivo de Cangas. A exposición recompila varios traballos de Luz Beloso, entre orixinais, reproducións e vídeos. O público poderá ver todas as ilustracións de 'A soidade das medusas', escrita por Iria Collazo (Galaxia, 2016); algúns debuxos dos tres libros da colección Rosaura, da escritora Isabel Blanco ('As recetas de Rosaura', 'Rosaura e o mar' e 'Rosaura, cesteira de Mondariz', da editorial Belagua) e do libro 'A nena e o grilo máis aló' (terceiro libro de Magín Blanco, con texto teatral de Pepablo Patiño).

Normas obritagorias para o público desta XXXVII Mostra

O acceso aos espectáculos desta XXXVII Mostra de Teatro Cómico e Festivo de Cangas, por mor da pandemia do coronavirus, vai ter que levarse a cabo seguindo unha serie de normas e restriccións de obrigado cumprimento. En primeiro lugar, é obrigatorio o uso da máscara en todos os espectáculos que se celebren no Auditorio. Haberá que levar este accesorio durante todo o tempo que se permaneza dentro das instalacións. Segundo se recolle no artigo 6 do Real Decreto 21/2020, do pasado 9 de xuño, restrínxese o acceso ao Auditorio a todas aquelas persoas que presenten algún síntoma compatible coa Covid-19: febre, tos, dificultade respiratoria,...

Non se permite o uso da máscara con filtro. Estas máscaras con válvula non impiden o contaxio do coronavirus a outras persoas, xa que, precisamente, a válvula facilita a saída da respiración sen ningún tipo de impedimento.   

O público será advertido destas e doutras recomendacións a través da megafonía do recinto.

Venda de entradas da XXXVII Mostra

Este ano, por mor da pandemia da Covid-19, os espectáculos que se levarán a cabo na rúa terán un prezo simbólico de 1€ e será preciso dispoñer da entrada con anterioridade ao comezo da función. Deste xeito, a organización da Mostra Internacional Cómico e Festivo de Cangas quere garantir o acceso a estas actuacións ao aire libre do público realmente interesado e garantindo todas as normas de seguridade e requisitos de distanciamento social. Para mercar este tipo de entradas de rúa, e tamén para os actos que se realizarán na sala de exposicións, os interesados poderán acudir, desde o luns 6 de xullo, á billeteira do Auditorio Municipal de Cangas en horario de 11.00 a 13.00 horas, pola mañá, e de 19.30 a 20.30 horas, pola tarde.

As entradas para o resto das actuacións que se desenvolverán na sala do Auditorio pódense mercar a través da plataforma ataquilla.com. Os tíckets sobrantes da venda anticipada, se é que quedan, poderán mercarse dúas horas antes do inicio de cada espectáculo, entre as 20.30 horas e as 22.30 horas, no despacho de billetes do propio Auditorio. Nestas actuacións non haberá venda anticipada na billeteira do Auditorio.