-
Compañía
A VELA CIRCO -
Procedencia
CANGAS DO MORRAZO -
Autoría
A Vela Circo -
Público
Familiar -
Duración
45'
Unha nova compañía de circo con identidade, ás veces poética como unha posta de sol na inmensidade do mar e outras veces moi absurda case para poder viaxar desde o humor á nosa realidade. Sen importar as consecuencias, flotando no caos e sobrevivindo grazas á tolemia dos nosos tempos. Ana, procedente de terras bonaerenses e Santiago oriúndo da cidade olívica, son A #VER CIRCO, pallasos por natureza, valentes circenses e equilibristas da vida.
"Enredos " é un espectáculo circense inspirado na estética do cinema mudo e ambientado en plena Revolución Industrial. A través de técnicas como o slapstick, malabares e equilibrios en arame, nárrase a historia dun obreiro que busca desafiar a monotonía da fábrica con enxeño e destreza. Nun mundo dominado por máquinas e engrenaxes, a arte do circo emerxe como unha forma de rebelión e liberdade.
- Elenco: Santiago Montero
- Técnico de son: Ana Cuervas
- Dirección: Walter Velázquez
