Latexo

Sinopse

Dous pallasos enfermos alborotan na rúa, discuten entre eles, rinse das súas cousas, cóidanse mutuamente. Van ao Centro de Autosaúde instalado na praza a facerse o seu chequeo médico e a buscar os seus medicamentos. Pero ese día calquera convertirase nunha sucesión de enredos, tropezos, accidentes, operacións de urxencia e procesos de rehabilitación, que lles conducirá a unha decisión sen retorno. Vale a pena seguir vivindo así? Coa linguaxe do clown, do slapstick, da música, dos malabares e do circo, Latexo constrúe un espectáculo cheo de momentos hilarantes e de tenrura. Un canto á vida e á amizade, unha exaltación da risa e das ganas de vivir, que plantexa a cuestión da morte digna a través da mirada limpa e lúdica dos pallasos. Porque cada latexo do noso corazón é un pulso aos momentos máis difíciles, unha celebración de estar vivos neste intre.

Ficha artística

• Dirección Artística: Antón Coucheiro
• Idea Orixinal: Aitor Garuz/Pistacatro
• Elenco: Aitor Garuz, Jano Costas
• Escenografía: Jose Perozo
• Vestiario: Carlos Alonso
• Música: Nacho Muñoz