-
Asociacións sector escénico e audiovisual
-
Galicia
En 2015, Mulleres en Acción organizou un encontro titulado U-LAS ACTRICES? Fenda Laboral das Actrices nas Artes Escénicas e no Audiovisual, no que mulleres das directivas de Escena Galega, Asociación de Actores e Actrices de Galicia, Academia Galega do Audiovisual, sindicato estatal, Unión de Actrices e Actores e Mulleres en Acción-MITCFC, intentamos dar resposta ás seguintes preguntas: Porqué a vida laboral dunha actriz é máis curta que a dun actor? Porqué os personaxes femininos reproducen os roles estereotipados de nai, esposa, prostituta e sen entidade propia? Que podemos facer para que as artes escénicas e audiovisuais presenten a mulleres con vida propia e en consonancia co tempo actual?
Aquel encontro serviu para que directivas das entidades galegas participantes traballásemos xuntas, ao longo de catro anos, na elaboración dun estudo sociolóxico con perspectiva de xénero e enquisas con datos desagregados, sobre a vida laboral das profesionais das artes escénicas e audiovisuais. Estudo que se presentou en outubro de 2019 no Consello da Cultura Galega e que foi posible grazas ás representantes das entidades citadas que traballamos xuntas e laboriosamente durante tanto tempo.
Dez anos despois, mulleres de asociacións profesionais de ambos sectores, xuntarémonos de volta para intentar dar resposta ás novas preguntas que os tempos inspiran e dar conta do traballo feito, dos avances acadados e do camiño por percorrer.
Participan:
- ARANTZA VILLAR e LAURA MÍGUEZ da ASOCIACIÓN DE ACTORES E ACTRICES DE GALICIA
- NOELIA FERNÁNDEZ CASTRO e PATRICIA DE LORENZO de ESCENA GALEGA
- LUMA GÓMEZ da ACADEMIA GALEGA DE TEATRO
- Representante da ACADEMIA GALEGA DO AUDIOVISUAL
- Modera: AMANTIA COELLO, Psicóloga e investigadora social
