-
Compañía
La Zaranda -
Procedencia
Castilla La Mancha -
Dirección
Paco de La Zaranda -
Autoría
Eusebio Calonge -
Público
Adulto -
Presentación
2025 -
Duración
75'
Transcorreron corenta e cinco anos desde que A Zaranda emprendese a súa andaina teatral, realizando un intenso labor creativo que lle valeu un gran prestixio internacional. A súa traxectoria ten como constantes teatrais: o compromiso existencial e o partir das súas raíces tradicionais para revelar unha simboloxía universal; como recursos dramáticos: a procura dunha poética transcendente sen perder a cotiandade, o uso simbólico dos obxectos, a expresividade visual, a depuración de textos no propio proceso de creación e a plasmación de personaxes vivos. [...]
Ánxos que arrastraron as ás por esquinas sombrías, por habitacións por hora, consumindo os seus paraísos artificiais. Xogan con cartas marcadas a súa partida perdida de antemán. Acurralados pola violencia quedan só uns poucos soños por gastar. Personaxes que máis aló das tapias do cárcere ou os límites da periferia, saben que a condena é a súa propia existencia. Un destino que non se pode esquivar, aínda que os seus corazóns bruxuleen tras o amor. Ata en grao sumo sórdido xorde a esperanza. Flores do vertedoiro que crecen na noite. A Zaranda explora con esta obra no territorio máis hostil do cotián, desde a tradición picaresca, co seu desolador humor, cruzando a lectura social en busca dun sentido de elevación, abre a porta ao poético dentro do sórdido, unha liña de luz no escuro. Chegando ata outros limites onde se conxuga realidade e ficción, narración e teatro.
- Intérpretes: Ingrid Magrinyá, Gaspar Campuzano, Francisco Sánchez, Enrique Bustos e Natalia Martínez
- Texto: Eusebio Calonge
- Dirección e Espazo Escénico: Paco de la Zaranda
- Iluminación: Peggy Bruzual
- Vestiario: Encarnación Sancho
- Axudantía dirección: Andrea Delicado
- Fotografía e cartel: Víctor Iglesias
