O último que apague a luz
- Compañía: A Vela Circo
- Procedencia: Galicia
- Dirección: Walter Velázquez
- Autoría: A VELA CIRCO
- Destinado a: Familiar
- Presentación: 2023
- Duración: 50'
A Compañía
Santiago Montero e Ana Cuervas, cruzámonos nun laboratorio circense, no que comezamos a sentir esa sensación de gozo, extraendo a técnica dende a emoción e deixándonos levar polos nosos verdadeiros impulsos. Tomando o tempo necesario para a investigación, descubríndonos como parella, izamos as velas do noso barco e comezamos a navegar, sen rumbo, co vento a favor. Transformando a técnica como a nosa ferramenta de expresión, integrándoa nos actos máis cotiás da nosa vida. Reproducíndo metáforas, expresando o circo como linguaxe poética e revolucionaria.
Esta embarcación coñecida co nome de A Vela foi creada para pescudar as novas mareas do circo contemporáneo e intentar combater, dende o humor e o absurdo, o aborrecemento do día a día. O noso barco é o espazo escénico e a vela, o circo.
Sinopse
Co acordo das nosas familias do circo e respectando as tradicións, preguntámonos: si dous pallasos casasen, qué acontecería?
Dende o humor e o circo, este espectáculo colle como punto de partida o universo creado por dous pallasos que deciden casar. Qué pode acontecer?
Esta aloucada cerimonia faranos reflexionar sobre o porqué de certas tradicións. Esnaquizarán a torta e comerán o ramo?.
A través do movemento e o circo aparecerán as historias máis cómicas que podas imaxinar. Neste ritual, como en toda gran voda, mesturanse o clown, equilibrios sobre torta, manipulación de obxectos entre velos e o lanzamento olímpico do ramo.
Todos estes elementos conxúganse na procura dun circo do absurdo, o ritmo e a poética do caos do noso tempo.
Ficha artística
- ELENCO Ana Cuervas, Santiago Montero
- IDEA ORIXINAL A Vela Circo, Ignacio Herrero
- DIRECTOR Walter Velázquez
- COORDINADOR E DIRECTOR ARTÍSTICO Ignacio Guerrero
- VESTIARIO Alejandra Astrada, Yoli Urquiza
- ACOMPAÑAMENTO ARTÍSTICO Natalia Outeiro «Pajarito»
- DESEÑO E IMAXEN Jesús Graña
Contacta coa MITCFC
Auditorio Municipal de Cangas
Avenida de Lugo, 36940 Cangas, Pontevedra
Tel.: +34 986 30 41 08
https://www.mostrateatrocangas.gal
Descargar información como: vCard
Deseño: Diego Seixo.