![](/index.php/component/ajax/?p=image&src=WyJpbWFnZXNcL1BSRUdPTklOQVVHVVJBTDAxMC5qcGciLFtbImRvUmVzaXplIixbNzY4LDUxMiw3NjgsNTEyXV0sWyJkb0Nyb3AiLFs3NjgsNDMyLDAsNDBdXV1d&hash=883a509b309cded0b861945f0d8f9629 768w, /templates/yootheme/cache/PREGONINAUGURAL010-e94eb3b5.jpeg 1024w, /index.php/component/ajax/?p=image&src=WyJpbWFnZXNcL1BSRUdPTklOQVVHVVJBTDAxMC5qcGciLFtbImRvUmVzaXplIixbMTI4MCw4NTMsMTI4MCw4NTNdXSxbImRvQ3JvcCIsWzEyODAsNzIwLDAsNjZdXV1d&hash=df3d244bfd6dac187265809b227ea703 1280w, /index.php/component/ajax/?p=image&src=WyJpbWFnZXNcL1BSRUdPTklOQVVHVVJBTDAxMC5qcGciLFtbImRvUmVzaXplIixbMTM2NSw5MTAsMTM2NSw5MTBdXSxbImRvQ3JvcCIsWzEzNjYsNzY4LDAsNzFdXV1d&hash=922639d642c4393da2eb3dfd622217d6 1366w, /index.php/component/ajax/?p=image&src=WyJpbWFnZXNcL1BSRUdPTklOQVVHVVJBTDAxMC5qcGciLFtbImRvUmVzaXplIixbMTU5OSwxMDY2LDE1OTksMTA2Nl1dLFsiZG9Dcm9wIixbMTYwMCw5MDAsMCw4M11dXV0%3D&hash=d86004d0c986fabd154f1d26a11dbbe5 1600w, /index.php/component/ajax/?p=image&src=WyJpbWFnZXNcL1BSRUdPTklOQVVHVVJBTDAxMC5qcGciLFtbImRvUmVzaXplIixbMTkyMCwxMjgwLDE5MjAsMTI4MF1dLFsiZG9Dcm9wIixbMTkyMCwxMDgwLDAsMTAwXV1dXQ%3D%3D&hash=50160fe140e0bac82bfdf86c0ab24ff8 1920w, /index.php/component/ajax/?p=image&src=WyJpbWFnZXNcL1BSRUdPTklOQVVHVVJBTDAxMC5qcGciLFtbImRvUmVzaXplIixbMjAwMCwxMzMzLDIwMDAsMTMzM11dLFsiZG9Dcm9wIixbMjAwMCwxMTI1LDAsMTA0XV1dXQ%3D%3D&hash=9ff9c0410937d48f0696cd4817ef51c8 2000w)
Adeus ao Alcalde do Teatro
Non nos xorden as palabras, non temos voz, afónicas de dor, de impotencia, de ausencia... O teatro do Morrazo, de Cangas, o teatro galego, esta Mostra ten crebado o sorriso, triste aceno debuxado no rostro, como no lenzo de Munch lanzamos un berro seco, xordo, mudo, un berro que implosiona en cada un dos nosos corazóns.
Vimos de perder a un dos principais impulsores desta Mostra, aquel que a imaxinou, aquel que a dirixiu, aquel que loitou sen descanso ate que o soño dun Auditorio Municipal para o Morrazo fora un feito. Deixounos Xosé Manuel, Pazos, Xosé Manuel Pazos Varela, un home alegre, activo, positivo, traballador incansable a prol da educación, da cultura, do teatro. Xeneroso impulsor das artes escénicas, da MITCFC, dende aqueles comezos nos que el e todo o equipo daqueles primeiros anos traballou arreo, programando, cargando e descargando, montando escenarios e ate arriscando a propia economía para que esta Mostra chegara a bo porto en cada edición. Anos ilusionantes e difíciles nos que o seu optimismo e a súa xiria conseguiron facer da vila de Cangas un referente universal das artes escénicas, da comedia, do bo humor, do bo facer. Hoxe vaise un home de teatro, un artista, un home de ben, un amigo, o Alcalde de Cangas, o Alcalde do Teatro.
Sempre entre nós, Pazos, no corazón do escenario, entre bambolinas.