In petto

Xoves, 06 Xullo 2023 22:30

Auditorio Municipal Xosé Manuel Pazos Varela

Compañía: OKIDOK
Procedencia: Bruxelas
Dirección: Okidok
Autoría: Okidok, Benoît Devos, Xavier Bouvier
Destinado a: Público xuvenil
Estrea: Estrea en Galicia
Presentación: 2022
Duración: 60´

A Compañía

Esta compañía belga deuse a coñecer internacionalmente co seu debut, Ha ha ha, representado máis de 500 veces arredor do mundo e aínda de xira. Son un dos grupos máis sorprendentes e creativos do clown europeo actual. As súas creacións pasaron por infinidade de programas de televisión, festivais e teatros de Europa. Nun estilo no que as figuras máis míticas son xa de avanzada idade e resulta difícil atopar novos valores, Okidok chegaron con forza para renovar o panorama do clown internacional puro e de calidade.

Sinopse

Para esta creación, OKIDOK redescubre o traballo dun dúo de pallasos non verbal, guiado por un teatro xestual cunha estética asertiva. O carro que os acubilla, ao mesmo tempo vivenda, albergue e promontorio, está en equilibrio inestable no único eixe das súas dúas rodas. Tratarán de buscar un compromiso, un equilibrio precario, unha solución salubre que lles permita continuar o seu camiño, o camiño da súa vida. Neste espectáculo, a busca dun espazo de xogo traxicómico mergulla ás personaxes en situacións con ecos existencialistas. Fundamentalmente inadaptados, dous vagabundos celestiais vense destinados á dependencia recíproca. Poemas fatalmente absurdos sobre o estado do ser e non ser, tráxicas oscilacións do ser sensible, delicadas e divertidas exploracións de desorientación en precario equilibrio.