Continente María

Continente María

Venres, 08 Xullo 2022 22:30
Auditorio Municipal de Cangas
  • Compañía: Ainé Producións
  • Procedencia: Galicia
  • Dirección: Tito Asorey
  • Autoría: Marianella Morena
  • Destinado a: Público Adulto
  • Presentación: 2022
  • Duración: 80'

A Compañía

Se hai algo que Ainé Producións acadou nos últimos anos para o teatro en Galicia é atraer novos públicos a base de bater récords: Somos Criminais (2018) é o espectáculo co maior número de entradas vendidas na historia da nosa comunidade -65.000 espectadores-, despois dunha xira de pouco máis dun ano polas grandes cidades galegas. Un catálogo inicialmente orientado á comedia mudou nos últimos anos para dar espazo a un abano de xéneros do que forman parte desde adaptacións de auténticos fenómenos mediáticos como Fariña a clásicos do teatro do absurdo como O Montacargas ou A última cinta de Krapp. Grazas ao labor de Ainé Producións acadouse un trasvase de públicos, permitindo que o teatro máis comercial acariñase ao espectador ata levalo a aquelas funcións que xamais pensou ver. Ainé Producións foi fundada no 2015 polo actor e humorista Xosé A. Touriñan e os productores Javi Lopa e Álvaro Pérez Becerra. Nestes últimos cinco anos a produtora puxo sobre os escenarios máis de vinte montaxes, todas elas con xiras por Galicia e funcións puntuais no resto de España. Entre todas suman máis de 300.000 espectadores e trátase en máis do 90% dos casos de producións propias e venta directa ao espectador nas principais salas, en moitos casos con dobres e ata triplas funcións nun mesmo día. Na actualidade Ainé Producións segue adiante coa xira de Fariña. Despois dun intenso labor en decembro de 2020 para poñer a punto a montaxe e adaptala á nova realidade nun mundo no que a cultura ten que convivir coa COVID19, as funcións nas Naves del Español, Teatro Alcázar e Teatre Tívoli, así como as realizadas en diferentes teatros do resto do estado, foron un grande éxito de crítica e de público. Ata o de agora xa son máis de 50.000 espectadores os que se achegaron a estes teatros para gozar deste espectáculo innovador cun sabor marcadamente galego.

Sinopse

Continente María é un canto á vida e ao teatro a través do diálogo coa extraordinaria figura de María Casares. Mediante as múltiples posibilidades que nos ofrece o teatro, evocamos a María non só como a inesquecible actriz que foi, senón tamén como o ser humano que se entregou con absoluta intensidade á vida e á escena para vencer o medo e sobrepoñerse ao exilio, descubrindo nas táboas a súa verdadeira patria. A Casares preséntasenos como un mapa a percorrer, mais non como turistas, senón como viaxeiras curiosas, gozando dos detalles que nos proporciona a súa paisaxe, chea de vitalidade e ganas de vivir en presente absoluto todo o que a realidade e a poesía nos pode ofrecer. Un mapa dun Continente inabarcable no que queremos permanecer porque estamos seguras de que vivir nel nos fará mellores, como individuos e como sociedade. Conversamos co legado de María tratando de recoller a retranca, o humor e a musicalidade que se desprende das súas entrevistas e escritos, que se descobren ante nós como un faro que dá luz e claridade a un presente que precisa referentes de liberdade e compromiso.

Ficha artística

  • Texto: Marianella Morena
  • Dramaturxia e Dirección: Tito Asorey
  • Actriz: Melania Cruz
  • Músico en escena: Vadim Yukhnevich
  • Produción executiva: Xosé A.Touriñán, Tito Asorey e Melania Cruz.
  • Dirección de produción: Javi Lopa e Álvaro Pérez Becerra.
  • Escenografía: José Faro "Coti".
  • Iluminación: Laura Iturralde.
  • Videoproxeccións: Laura Iturralde e Miriam Rodríguez.
  • Vestiario: Laura Baena.
  • Deseño previo vestiario: Yaiza Pinillos.
  • Espazo sonoro e música orixinal: Vadim Yukhnevich.
  • Voces en off: César Goldi e Tito Asorey.
  • Imaxe gráfica: Lidia Cao.
  • Comunicación: Saúl Rivas.
  • Páxina web: Pilar Mera.
  • Fotografía: Aigi Boga.
  • Vídeo: Jairo Iglesias.
  • Técnico: Xacobo Castro.
  • Produción en xira: Celia Varela Sixto.
  • Auxiliar de Produción: Claudia Díaz.
  • Produción: Ainé e a Quinta do Cuadrante en coprodución co Concello da Coruña e o Centro Dramático Galego.
  • Colabora: Concello de Rianxo
  • Patrocina: Deleite.
  • AGRADECEMENTOS: María Lopo, Roberto Salgueiro, Aula Teatro USC; Incendiaria, Totó Barreiro Pena, Profesorado Centro Música Fingoi, Manuel Varela, Carlos Alonso, iMaquinario Teatro, Pamela  Lorenzo, Laura Lorenzo, María Lorenzo, Roberto Varela, Berta Ojea, Ernesto Is, Nerea Brey, Teatro Musicas, Ledicia Sola, Alfonso Zarauza, Ramiro Rodríguez, Javier Hernández-Simón, María Armesto, Denise  Freire, Antonio Rodríguez, Kinhos.

Contacta coa MITCFC

Auditorio Municipal de Cangas
Avenida de Lugo, 36940 Cangas, Pontevedra

Tel.: +34 986 30 41 08
Descargar información como: vCard

Este enderezo de correo está a ser protexido dos robots de correo lixo. Precisa activar o JavaScript para velo.
© MITCFC. Todos os dereitos reservados.
Deseño: Diego Seixo.