• Clara Castilla

Dorotea Bárcena fixo mutis esta noite. Elegante, silandeira, sen estrondo. Dorotea foi para o noso teatro o que o seu nome, procedente do grego Δωροθεα (Dōrothea), indica, “agasallo dos deuses”. Actriz, dramaturga, directora e xestora, Dorotea foi pioneira en moitas cousas: A primeira muller en dirixir o CDG, onde levou adiante proxectos pioneiros, comprometidos, rompedores. A primeira en crear no 1987 unha compañía onde a perspectiva de xénero foi sempre un feito.

A primeira profesional das artes escénicas galegas que loitou pola igualdade entre homes e mulleres no sector escénico e cultural. Dorotea Bárcena, politicamente incorrecta, loitadora incansable. Sincera, valente, culta e cun extraordinario dominio do oficio. As mulleres perdemos un referente, toda a profesión o perde. Un referente escénico, cultural, de igualdade. A escena galega queda orfa. Esta Mostra recoñeceulle no ano 1988 o seu traballo co Premio Xiria ao Labor Teatral. Hoxe, 28 anos despois, a MITCF recoñécelle a súa orixinal pegada na Historia do Teatro Galego. Ata sempre, amiga. Levámoste no corazón.

Cangas, 22 de novembro de 2016

 

Contacta coa MITCFC

Auditorio Municipal de Cangas
Avenida de Lugo, 36940 Cangas, Pontevedra

Tel.: +34 986 30 41 08
Descargar información como: vCard

Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.
© MITCFC. Todos os dereitos reservados.
Deseño: Diego Seixo.