Demo
  • MITCFC
  • Mulleres en acción
  • Programación xornadas

XIX Xornadas Mulleres en acción

As Mulleres en Acción existen, existiron e existirán sempre. 

Grazas a elas chegamos até este século XXI mergulladas nun poderoso activismo feminista, nunha revolta pacífica pero implacable contra un sistema heteropatriarcal e económico que marxina, sexualiza, violenta e empobrece ás mulleres do planeta, ao 50% da humanidade. 

Mulleres de todas as etnias e procedencia sociocultural, académicas, kellys, actrices, dependentas, filósofas, labregas, doutoras, cociñeiras, escritoras, recolectoras, políticas, mariscadoras, músicas, coidadoras, xornalistas, conserveiras ou xuristas, unidas para rachar cos teitos de cristal e chans pegañentos que impiden unha vida digna, igualitaria e libre de violencias.

Neste contexto, as XIX Xornadas Mulleres en Acción acollerán a catro estupendas escritoras que presentarán os seus últimos libros sobre Sexo, Feminismos e Cultura: Inma López Silva, Anna R. Figueiredo, Amada Traba e Chis Oliveira.

Proseguemos co labor de visibilizar o traballo artístico de mulleres que, a pesar de contar cunha obra importante, seguen a ser perfectas descoñecidas para a maior parte da sociedade. 

Así, nesta 19ª edición, celebraremos un acto en recoñecemento á traxectoria profesional da pianista e compositora Enma Pino, falecida prematuramente hai cinco anos. Participan a pintora Menchu Lamas, as cantantes Uxía Senlle e María Costas, a escritora Ánxos Sumai, a ilustradora e música Laura Romero, a pianista Elvira Pontevedra e a videocreadora Area Erina.

O premio Mulleres en Acción é para a cantautora SÉS cu a música e discurso convertérona nun exemplo de empoderamento e Igualdade para as nenas e nenos do noso país, un auténtico referente.

Servan pois estas xornadas como impulso do 8M 2020.

Benvidxs!

Enma Pino. Luz sobre a historia

Enma Pino. Luz sobre a historia
Xoves, 27 Xuño 2019 19:30
Auditorio Municipal

Premio Mulleres en Acción 2019

Premio Mulleres en Acción 2019
Venres, 28 Xuño 2019 22:30
Auditorio Municipal

Sexo, feminismos e cultura

Sexo, feminismos e cultura
Sábado, 29 Xuño 2019 19:00
Salón de plenos do Concello de Cangas

Quince minutos

Quince minutos DE Mónica Sueiro
Sábado, 29 Xuño 2019 21:00
Salón de Plenos do Concello de Cangas

Nós que (nos) queremos tanto

Nós que (nos) queremos tanto
Xoves, 04 Xullo 2019 17:00
Casa da Cultura de 17:00 a 20:00h