• Inicio

A Asociación de actrices e actores, Escena Galega, a Academia Galega do Audiovisual e a Mostra de Teatro de Cangas impulsan un estudo sobre a brecha laboral entre homes e mulleres no sector audiovisual e nas artes escénicas

A Asociación de actrices e actores de Galicia, Escena Galega, a Academia Galega do Audiovisual e a Mostra Internacional de Teatro Cómico e Festivo de Cangas reuníronse coa responsable da Secretaría Xeral da Igualdade, Susana López Abella, para propoñerlle a elaboración dun estudo sociolóxico e con perspectiva de xénero sobre a brecha laboral que sofren as mulleres no sector das artes escénicas e do audiovisual.

Os datos son poucos pero alarmantes: Só o 7 por cento de mulleres son directoras, o 15 por cento produtoras e o 10 por cento guionistas. En canto ás actrices, o 20 por cento de personaxes femininos fronte a un 80 por cento masculinos. As cifras non melloran nas artes escénicas, 25 por cento de personaxes femininos fronte ao 75 masculinos. E se contabilizamos a escasa existencia de protagonistas femininas, atopámonos con que a vida laboral redúcese en función do sexo. Datos recollidos a nivel europeo concordan en que a duración da vida profesional das mulleres da cultura está entre 7 e 10 anos e reciben as ofertas de traballo entre os 20 e 35 anos, mentres que a vida laboral masculina ten unha duración media de 30 anos concentrándose as ofertas entre os 40 e os 60 anos.

Participantes: (De esquerda a dereita) Laura Míguez, da Asociación de actrices e actores de Galicia; Tamara Canosa, da Academia Galega do Audiovisual, María Armesto, da Mostra de teatro cómico e festivo de Cangas; Susana López Abella, secretaria xeral da Igualdade; e Belén Pichel, de Escena Galega.

Contacta coa MITCFC

Auditorio Municipal de Cangas
Avenida de Lugo, 36940 Cangas, Pontevedra

Tel.: +34 986 30 41 08
Descargar información como: vCard

Este enderezo de correo está a ser protexido dos robots de correo lixo. Precisa activar o JavaScript para velo.
© MITCFC. Todos os dereitos reservados.
Deseño: Diego Seixo.