• Inicio

Ses e Cadaval, protagonistas da inauguración

  • Clara Castilla

O acto de inaguración da Mostra Internacional Cómico e Festivo de Cangas tivo dous protagonistas absolutos. En primeiro lugar, fíxose entrega do Premio Mulleres en Acción 2019 á cantante e compositora María Xosé Silvar, Ses. Posteriormente, celebrouse o pregón a cargo do actor e dramaturgo Quico Cadaval.

A MITCFC decidiu outorgar este ano o Premio Mulleres en Acción a Ses en recoñecemento ao seu espléndido labor artístico, compromiso e discurso a prol da igualdade e empoderamento das mulleres, labor que a converte, ao noso entender, nun referente para centos de nenas e nenos que tanto necesitan exemplos de mulleres llibres que non hipotecan o seu éxito artístico a unha imaxe sexualizada ou estereotipada, senón á súa música e ás súas ideas. 

Ses subiu ao escenario emocionada e mostrando o seu agradecemento polo galardón. Alí , ante un auditorio ateigado de xente, falou de feminismo e do moito que queda por facer para rematar co machismo doméstico. Para acabar cos comentario e actos que a cotío se dan en moitos fogares de todo o mundo e que menosprezan e infravaloran o papel da muller en todos os ámbitos da sociedade. 

Despois, chegou o agardado momento do pregón inagural, este ano a cargo de Quico Cadaval. Ao longo de varios minutos, o público non parou de rir. Cadaval falou do humor, da importancia de rirse a gargalladas e do saudable que resulta. 

Contacta coa MITCFC

Auditorio Municipal de Cangas
Avenida de Lugo, 36940 Cangas, Pontevedra

Tel.: +34 986 30 41 08
Descargar información como: vCard

Este enderezo de correo está a ser protexido dos robots de correo lixo. Precisa activar o JavaScript para velo.
© MITCFC. Todos os dereitos reservados.
Deseño: Diego Seixo.