• Inicio

Agradecemento polo Premio da Crítica das Artes Escénicas 2018

  • Clara Castilla

Grazas. Moitísimas grazas en nome das entidades organizadoras desta Mostra: Concello de Cangas, Teatro de Ningures e A.C. Xiria e do equipo organizador, Che Mariño, Lao Graña, Xoán Carlos Riobó, Juan José Pérez, Paula Tenorio e Salvador del Río, o noso coordinador.

Grazas ao xurado que decidiu votar o proxecto da MITCFC. Competiamos con grandes da escena galega, Manuel Lourenzo, un referente indiscutible da nosa dramaturxia, e o mítico Festival de Títeres de Redondela, un irmán.

Gratitude eterna a Maruxa Barrio, Henrique Harguindei, Xosé Manuel Pazos e Silda Alfaro que, entre outras, foron as persoas que, hai 36 anos, fundaron esta Mostra.

Grazas aos nosos equipo creativo, comercial, técnico e de prensa, redes sociais e comunicación.

Grazas a Dramaturga con quen creamos o I Torneo de Dramaturxia de Galicia

Á pequena e a gran empresa do Morrazo.

Á Erregueté, que propiciou os primeiros coloquios entre compañías e público.

A toda a escena galega que participa ano tras ano nas xornadas de teatro e debates para mellorar o sector.

Ás entidades e centos de Mulleres en Acción que fan e fixeron da nosa unha Mostra autenticamente paritaria. 

E ao público fiel da Mostra, que segue a ser o noso principal soporte.

Recibir o Premio da Crítica de Galicia e pasar a formar parte da familia de persoas premiadas nestes corenta e un anos de Historia non é só unha honra, é un recoñecemento que nos prestixia e nos prestixia e nos obriga a mellorar o noso labor na defensa do Humor, ferramenta imprescindible para analizar a realidade e que hoxe está tristemente perseguido e xudicializado.

A todas e todos MOITAS GRAZAS. 

Contacta coa MITCFC

Auditorio Municipal de Cangas
Avenida de Lugo, 36940 Cangas, Pontevedra

Tel.: +34 986 30 41 08
Descargar información como: vCard

Este enderezo de correo está a ser protexido dos robots de correo lixo. Precisa activar o JavaScript para velo.
© MITCFC. Todos os dereitos reservados.
Deseño: Diego Seixo.